ТҰЖЫРЫМДАМА
TALAN TOWERS EXECUTIVE HUB ̶ клуб үлгісі тұжырымдамасында іске асырылған қызмет көрсетілетін заманауи кеңселер. Біз клиенттерімізге жұмыс кеңістіктерін ұйымдастырудың жаңа түрін ұсынамыз. Ол жұмыс орнын пайдалану мен басқаруға қатысты өзге мәселелерге уақыт кетірмей, тек қана жалға алғаны үшін ақша төлеп, тікелей өз бизнесіңізбен айналысуға мүмкіндік береді.
Қысқа мерзімге жалға алуға болатын дайын көрнекті кеңселер Қазақстанның бизнес-элитасы ортасында жұмыс істеп, маңызды кездесулер мен таныстырылымдарды астананың ең таңдаулы кешенінде өткізу мүмкіндігін ұсынады.
TALAN TOWERS КЕШЕНІ ТУРАЛЫ
EXECUTIVE HUB орналасқан Talan Towers Offices – астананың іскерлік және әкімшілік орталығындағы «А» санатындағы бизнес орталығы.
Ғимараттың тұжырымдамасын әйгілі Skidmore, Owings & Miller (SOM) америкалық сәулет бюросы дайындаған. Олардың портфолиасында Burj Khalifa, Trump Tower Chicago, Freedom Tower нысандары бар. Talan Towers Offices ішкі көрінісін кеңсе кеңістіктерін жобалау саласындағы әлемдік көшбасшы Perkins + Will лондон кеңсесі жасап шығарған.
Talan Towers — GOLD дәрежелі LEED (Leadership in Energy and Environmental Design) халықаралық сертификатына ие Қазақстандағы тұңғыш көп функционалды кешен.
ЖИҺАЗ БЕН АРТ НЫСАНДАР
Жобаға Италия (Arper) мен АҚШ (HermanMiller) өндірушілерінің жиһаздары іріктеліп алынды. Таңдалған әйгілі брендтердің функционалды кеңсе жиһаздарын өндіріп қана қоймай, адам денсаулығын сақтауды мақсат тұтқан ұстанымы жиһаз жасау әлеміне үлкен әсерін тигізуде.
TALAN TOWERS EXECUTIVE HUB дизайнының заттарын таңдау, навигациялы пиктограммалар әрлемі және аксессуаларды іріктеумен SredaLab дизайн студиясы айналысты. Оның негізін қалаушылардың бірі Лондон, Милан мен Мәскеуде өткен халықаралық дизайн көрмелерінің қатысушы мен жеңімпазы, жас дарынды қазақстандық дизайнер Анастасия Леонова болып табылады.
ҰЙЫҚТАУҒА АРНАЛҒАН КАПСУЛА
Ұшақпен ұшқаннан кейін адамның қалпына келіп, сағаттық белдеу ауысы синдромынан арылуға және кеңсеге жақын жерде мызғып алуға мүмкіндік береді.
EnergyPod – Америка ұйқы ассоциация мен McLaren эргономика инженерлері ойлап тапқан жұмыс орнында орналасқан әлемдегі тұңғыш капсула.
EnergyPod 30 минуттық ұйқыға арналған өте қолайлы жағдайды жасайды:
жабылатын күмбез айналадағы болып жатқаннан оқшаулануға көмектеседі
креслосы бел бөлігі бұлшық еттері мен қантамыр жүйесіне түскен күштен арылуға сеп болатын ыңғайлы көлбеу қалыпқа келтіріледі
ақ шуыл жанға жайлы психологиялық атмосфера жасап, жайландырады
ФИТНЕС АЛАҢЫ
TALAN TOWERS EXECUTIVE HUB-та өз қызметкерлерінің денсаулығына алаңдатушылық білдіретін көптеген компаниялар стандартына айналған СӨС инфрақұрылымы қарастырылған.
Жұмыс күніне дейін немесе кейін спортпен шұғылдануға көптеген адамның қолы келе бермейтінін ескере отыра, біз жүруге арналған жол, швед тосқауылы, баскетбол шеңбері, балет станогы, йогамен айналысуға арналған кілемшелер мен дербес акустика жүйесімен қамтамасыз етілген шағын спорт бұрышын жабдықтадық.
Жаттығу жасап, йогамен айналысқан уақытта Сіз өзіңіздің сүйікті әуендеріңіз қосып, айналысып жатқан ісіңізден ләззат ала аласыз.
